نظري ( دبيرستان ) نين ايلك ايلي دي بو ايل منيم عومرومون دئمه لي بير اؤنملي واقتلاريندان بيريدي نيه كي بيلمه ين شئي لري بيلديم، اويانديم، گؤزوم له گؤردوم نه له ر باشيميزا گه ليب هئچ اوزوموزده بيل مه ميشيك اما....بير عربي موعلليمي واريدي او مدرسه يه گله نده اوشاقلار اونا چوخ احتيرام قويوردولار بيلميرديم نيه اما ائله بير اؤيرنجي لره اؤنملي بير شخص ايدي، من اونو تانيميرديم دوستلاردان سوروشدوم او كيمدي ؟دئدي:بيلميره م اما ائله بيل عربي موعلليمي دير .من اونون قيافه سينه باخديم دوزون سوزو قورخدوم اوجا بوي و جيددي بير قيافه سي واريدي .تانيشلاردان سوروشدوم كي اونو تانيرلار يا يوخ؟ بيرسي دئدي : او كونگ فو اوستادي دي . منيم قورخوم چوخالدي، قورخاق بشر دئيله م اما موعلليم جيددي اولاندا شاگرد گره ك درس اوخويا، منده كي ماشا الله ائله اوخويان اوشاق دئييرديم.اما سونرا اوندان خوشوم گلدي نيه كي بير ايدمانچي موعلليميدي.او شاگيرده يانيردي او ايلي بيزه چوخ زحمت چكدي ياخشي درس دئدي.اما او بونا باعيث اولدوكي من اويانام . هميشه كيلاسدا توركون ديلينده ن سوز آپاراردي و اونون معنوياتيندان و اولو اولماغيندان دانيشاردي، منده بئله ديققت له قولاق وئره رديم سؤزله رينه، خوشوم گه له ردي بئله سؤزله رده ن. كيلاسا گيرمه كله ايسترديك تورك ديلي و تورك خالقيندان بيزه دئسين .اودا باشلاييب دئيردي البته درس ده ن سونرا .نئچه آي او ايل ده ن گئچمه ميشدي ... بو ائله بيزه هرزامان واقت اولسايدي تورك ده ن ،آذربايجان دان دانيشاردي بيزده قولاق آسارديك اما بعضي سؤزلريني باشا دوشمه ييب من و باشقا شاگيرد لر اوندان چوخلو سؤال لار سورارديك . دا ائله اولموشدو كي بو نه دئيير دي بيز گيج له ر كيمين يالنيز اونون اؤزونه باخيرديق بو هر يولودان بيزي باشا سالماقا چاليشيردي. بير گون ددي : " بوروس لي " ده تورك دور ،اوندا بيرده ن كيلاسدا هاممي گولدو اما سونرا من بير كيتاب دا اوخودوم كي چين ده 30 ميليون دان آرتيق اويغور توركو ياشايير .هه او ايلين آخيرلاري دير كي دا او موعلليمله بتر آرا سازلاميشديك يالان دئمه ييم اما منيم آراسازلاماغيمين بيرينجي دليلي عربي درسينده نومره آلماق ايدير . بير گون مدرسه ده منه دئدي: نومره يه خاطير كيلاسا گلير سن ،من قيزارديم ياني عومرومده ايله شرمنده اولماميشديم من دينمه ديم ،اوندا بيلديم بو نه بويوك كيشي دير كي او بويدا منه زحمت چكيردي.دا بيزيم كيلاس ائله اولموشدو كي فارسي كلمه له ري اوردا آز ايشله نيردي شايد ده اصلا ايشله نميردياو ايل باشا چاتديي. من ايكيمينجي ايل ده چوخ چاليشديم او موعلليمين كيلاسنا دوشه م اما اونو بيزيم مدرسه يه وئرمه ديله ر . ناراحات اولودق هم من و هم دوستلاريم . ائله او ايل ده يدي كي ائشيتديك آشاقي مدرسه ده كيلاسدا ياريم ساعات دا تورك ديليني اؤيره دير هاميميز حسرتله اوردا اوخويان دوسلاريميزا دئييرديك كفينيز اولسون كاشكي بيزه ده دئيه ردي هه له او ايلده اوجور باشا چاتدي.من رياضي فيزيكين اؤچونجو ايلينده يديم داها هئچ او موعلليمي ده بيلدير ده ن بويانا گورمه ميشديم آنجاك هميشه سؤزو واريدي . ائشيتديك او ايل قاييديب بيزيم مدرسه يه اوشاقلار سئوينديلركي ايسته ديي موعلليم قايديب دي او ايل ده ائله بيزيم موعلليميميز اولدو و بيزيم بيلگي لريميز گئچميشده ن داها چوخالدي.بيزه دئيردي كي اؤز خالقينيزي، اؤز ديلينيزي و اؤز وطني زي ياشادين دئيردي كي حاقلارينيزي آلين قويمايين سيزين حاقلارينيزي يئسين له ر. او ايلي من بالا بالا آذربايجانين دردين و آذربايجانا اولان ظولم له ري بيلديم. بيلديم كي بيزي نه گؤنده ساخلاييب لار و ساخ لاييرلار .قانون اساسي له تانيش ائله دي بيزي دئدي كي بونلار حاتتا اؤز دئديك له ريني ده ائله مير له ر. ائله واقت اولموشدو كي بيزيم كيلاسا مامور قويموشدولار اونون سوزلريني گئديب دئسين و اونو اوتورسون له ر ائشيه .يا بير گون كيلاسدا دانيشيردي بيرد ه ن گوردوك قاپينين آرخاسيندا بيري دؤروب قولاق آساير. او ايلده دا او كيلاسين وضعينه خاطير بيز سؤزله ريميزي راحات جا دانيشانميرديق. اؤ گؤنله رين بيرينده ائوينده اولان ايطيلاعاتين ايشله ريني گوسته ر دي . بيزه اينانمالي دئيلدي حاتتا اونا بو ايزيني وئرمه ميشديلر كي اؤزونه موستقيل ائوي اولسون. چتيندي آدام اؤز ائوينده هميشه گؤز آلتيندا اولا....او ايلده باشا چاتدي ائشيديك بو مو علليمي ايستير لر سالماسا وئره له ر هاممي ناراحات اولدوق آخيردا دا بو ايش اولدو و او گئتدي .او ايللرده بو موعلليم هه رده ن كيلاسا گلميردي. بيزده الله دان ايسته ميش دوروب گئده رديك . سونرالار بولوندو كي او گونلر بازداشت اولونوردو .... او و عاييله سي چوخ فيشار آلتيندايدي . حاتتا اونون باشگاها گئتمه سينينده قاباغين آلديلار و باشقا ايشله ركي بورادا دئمه يه گلمير....من اؤچونونجو ايلين سونراسينداكي ايلده اينترنت ده بير وئبلاگ آچديم او وئبلاگدا توركو شعر مقاله سؤزلر و او اوستاد دان ائشيدييم سؤزلري يازيرديم. ايندي ايسه ده او بيلديرده ن فيلتر اولدو و نئچه آي فيلتر اولاندان سونرا دا كؤكونده ن باغلاديلار. بو او زامانلارايدي كي مين له ر جه وئبلاگ و سايت تورك لره جوك دئييب و اونلاري مسخره ائله ييرديلر اما اونلار باغلانميردي . بيلميره م نيه سيز دئيين؟؟!!!!!!!!!!!!!!!!!!هه او ايل ده ن سونرا بير گؤن يايذا او موعلليمي شهريميزين بازاريندا گؤردوم سئوينديم قاباقا گئتديم و گؤروشدوك - 1 ساعاتجا دانيشديق سونرا آيريلدق . هه رده ن بير گه لير دي بيزيم شهره اما تئز قايداردي . دئمه لي بونا دئييب له ركي اير اؤز شهرينده ن چيخماسين اما او بيزه خاطير و تامام دوسلارينا خاطير گليردي.قالانين واقتلاريدي بير گؤن خبر گلدي اوستادي توتوبلار - بورادا هم بيز و هم اونون ايدمان شاگيردلري كدرلنييب ناراحات اولموشدوق - بيلديك كي آذربايجانا خاطير خالقينا خاطير حبس اولوب.سالماسدا دا قيز اؤيرنجي لري اونا خاطير اعتيصاب الييب و مدرسه له رينه گئتمه ميشديلر بو خبر بيزي سئويندير دي و اونون بويوك اولدوقونو چوخ حيسس ائتديك....نئچه واقت بوندان قاباق فاشيست روزنامه له رين بيرينده آذربايجانين تورك ميلله تينه بويوك بير توهين اولموشدور كي شهرلرين هامميسيندا بيلدينيز كيمياعتراضلار اولدو، او تظلاهوراتين ايلك گونله رينده خبر يئتيشدي كي اوستاد توتولوب ناراحات اولدوق ائشيتديك كي عاييله سينده اذيت ائلييبلر داها چوخ ناراحات اولدوق .....ايندي ايسه بو بويوك اوستاد، ايدمانچي موعلليم، بير خالقينا يانان بشر ،فاشيستين دوستاقلاريندادير و اونون عاييله سي اوشاقلاري گئجه لري آتا سيز شام يئييب ياتيرلار.سايت لاردا خبر گليب چاتيب كي بو موعلليمين بوغازيندا اولان خسته ليي اغيرلاشيب و عمله نيازي وار اما بونا اهمييت ويريلمير(دئمه لي دير بو خسته ليك اونون ايلك حبسينده و دوستاق دا اولوب دور)
"بوعزيز و ديرلي اوستاديميزا تانريدان اؤزگورلوك آرزيلاييريق."
تانري دان ايگيد اوغلانلارا، خالقينا خاطير محبوس اولانلارا، جاواد بي عباسي يه - جان ساغ ليغي و اونون يولوندا اولان خالقا باشاريلار ديله ييريك.
بير دوست يوخ بير هميشه شاگيرد طرفينده ن