م.د.
- بازداشت اولونجاق گوزلريويزي باغلاييب ايچري اپارجاقلار.
- گئييمينيزي ده ييشيب بهداريه گئده جکسيز.
- خاص بير جيسمي اذيت يوخدور. يالنيز قورخوتماق واردير.
- هر بير بازداشتگاهدا، نهايت ايزين وئره جکلر عائيله ميزه تئلئفون آچاق. عائيله ايله دانيشماقيميز رمزلي اولماليدير. شک ياراتمايان کلمه لر و گونده ليکده ايشله نن يورومسوز سوزلردن فايدالانابيله جه ييک. اونلارا قاباغدان تاپشير سنسن ياخالانماغيوا دونيادا سسلنديرسينلر.
- سورولارا ان کيچيک جاوابلار وئرمه لييک.
- قانون چرچيوه سينده دانيشما لييق.
- اوره ييميزده اولان ميللي آماجلاري و دويغولاري آيدينلامامالييق.
- سئوگي لي يولداشلاري تانيتديرمامالييق.
- اخلاقي ايتتيهاملارين بيريسينه ده قبول ائتمه يين.
- هر گون وئرديگيميز جاوابلاري ايمضالاياندا ، تاريخ وورمالييق.
- بعضي سورغولاري جاواب سيزدا قويا بيله ريک.
- بازجولاردان اوز قانوني ايستکلريميزي ايسته يه بيله ريک.مثلا يئمک، گئييم، تنفوس،وکيل، اوز ايتتيهاميميزين عونوانين، تئلئفون، کيتاب، قلم،دوکتور، داوا و حتي تهديد ائدنلرين اونونو آلماق و يا ايشکنجه ائدنلرين ايشلرين يازيب ، ايسته ييب و دييه بيلريک.
- قارا قورخولارا و آغير توهمتلره آلدانماياق.هاميسيي بوشا چيخاجاغدير.
- او بيري دوستلاريميزين ايتتيهاملارين و کيفرلرين ان آغير شکيلده دييه جکلر. هئچ اينانمايين.
- ائشيکده بئله اولد- هئله اولدو سوزلرينه ايننانمايين.
- اونلارين حتي وئرديي روزنامه نين خبرلرينده اينانمايين. بلکه او روزنامه مخصوص سيزن اوچون چيخيبدير.
- ويدئو موصاحيبه لريني موطلق قبول ائتمه يين.قبول ائتمه سز هئچ بير ايش گوره بيلمزلر.
- هر گون وکيلينيزين اولماسين ايسته يين.
- وورولموش ايتتيهاملارا دليل ايسته يين.
- دليل سيز ايتتيهاملارا جاواب وئرمه يين.
- اوز دوشونجه نيزي ان يوخاري بير دوشونجه کيمي گورون. اونلاري قانون چرچيوه سينده دانمايين.
- اگر سيللولدا بيريسي يانيوا گليب و سنين شيکايتلريوي سورسا، شيکايتين وارسا سويله.
- اگر سه حتي سنه بعضي دوز ايتتيهاملار ورودولار، موطلق تسليم اولما و قبول ائتمه. قبول ائتسه ن ايشين آغيرلاشاجاق.
- بونو بيل اونلار هئچ بير ايتتيهامي موطلق ايثبات ائده بيلمه يه جکلر. هاميسينا ترديدلري واردير. اونلارين بيلگي سي سندن يالنيز يوزده 10 دور.
- هئچ نه يين بيلمه سيني قاباغدان دئمه يين. قوي اولار اوز بيلگي لرين وئرسينلر.
- اوز ياشاييش شرحينيزي ان قيسا يازين. اونلاردان فايدالانيب سورغولارينا باشلاياجاغلار.
- بوتون يازديغلارينيزي خاطيرينيزدا ساخلايين. يالان يازيلاريدا هچ اونوتمايين. يازدقلارينيزي بيرده سوراجاکلار.
- دوتولان گوند ه ن هاواخوري ايسته.
- ورزيش ائت.
- هر گون حاماما گئتمک ايسته
- ماهني و سرود اوخو آنجاق اوز اوزوه دانيشما.
- کنارداکي سيلوللار ايله مومکون اولسا مورتبيط اول.
- اطرافا ياخچي ديققت ائت.
- گوردوکلريوي اونوتما
- بعضي بازجوئيلر گئجه ياريسيندا اولاجاق.
- اونملي سوز دانيشما.
- هئچ کيم ايله دوست اولما. خوصوصي ايله بازجولارين بيريسي سن ايله دوست اولماق ايسته يه جک. اينانما.
- هئچ کيمه گووه نمه حتي آذربايجانلي کيمسه لره.
- اگر بير نفري سيللولدا يانيوا گوندرديلر ساده سوزلر دانيش.
- يولداش لار ديليندن سنه دئييلن سوزلري هئچ قبول ائتمه.
- بوراخيلشا دوشون.
- شيکنجه سسلرينه اينانما. نيه کي اونلارين چوخو ناواردير.
- خالقيوين نجاتين دوشون و بيل کي سنين حبسين ميللتين آزادليغي دير